Римнинг "Лацио" клуби ярим ҳимоячиси Матео Гендузи Туркия Суперлигасига кўчиб ўтишга яқин турибди, унинг хизматларига Истанбулнинг "Фенербахче" клуби қизиқиш билдирмоқда.
Инсайдер Ягиз Сабунчўғлининг маълум қилишича, клублар муваффақиятли музокаралар олиб борган ва трансфер бўйича келишувга эришган. Битим суммаси 30 миллион еврони ташкил этади.
26 ёшли франциялик хавбек 2024 йилнинг ёзидан бери римликлар шарафини ҳимоя қилмоқда. Унинг "бургутлар" билан меҳнат шартномаси 2028 йил июнь ойи охиригача мўлжалланган.
Жорий мавсумда Гендузи Италия А Сериясида 15 та ўйин ўтказиб, 2 та гол ва 1 та ассистни ўз ҳисобига ёздириб қўйди.
