Мюнхеннинг "Бавария" клуби ҳужумчиси Серж Гнабри катта эҳтимол билан жамоада қолади. Бу ҳақда нуфузли инсайдер Фабрицио Романо хабар бермоқда.
Манбага кўра, томонлар ўртасидаги музокаралар якуний босқичда. Тез орада барча тафсилотлар ҳал бўлиши кутилмоқда, шундан сўнг Гнабри 2028 йил июнигача янги шартнома имзолайди.
Гнабри 2017 йилда "Бавария" футболчисига айланган. У жорий мавсумда барча мусобақаларни қўшиб ҳисоблаганда 21 та ўйинда майдонга тушиб, 5 та гол урди ва 8 та голли узатмага муаллифлик қилди.
