Италия А Серияси-2025/2026 йилги мавсум 19-туридан ўрин олган "Парма" - "Интер" учрашуви якунига етди. Баҳсда меҳмонлар 2:0 ҳисобида ғалаба қозонди.
Ўйиндаги илк гол 42-дақиқада киритилди. Ҳужумчи Франческо Эспозито узатган тўпни ҳимоячи Федерико Димарко дарвозага жойлаб қўйди. Миланликлар ҳужумчиси Анж-Йоан Боннининг 90+4-дақиқадаги голи VAR текширувидан кейин қўл билан ўйнагани учун бекор қилинди. 90+8-дақиқада франциялик Маркус Тюрам меҳмонларнинг иккинчи голига муаллифлик қилди.
"Интер" мавсумдаги очколари сонини 42тага етказиб, "Милан" ва "Наполи"дан 4 очкога ўзиб кетди. "Россонерилар"да эса битта захира ўйини қолган. "Парма" А Серия турнир жадвалида 15-ўринда қолди. Жамоа ҳисобида 18 та учрашувда 18 очко мавжуд.
Парма - Интер - 0:2
Голлар: Димарко, 42 (0:1). Тюрам, 90 (0:2)
Парма: Корви, Валери, Чиркати, Дель Прато, Бричги, Серенсен, Кейта (Кремаски, 86), Бернабе (Эстевес, 75), Ондрейка (Ордоньес, 62), Пельегрино (Кутроне, 75), Ористанио (Альмквист, 62)
Интер: Зоммер, Карлос Аугусту, Аканджи, Биссек, Димарко, Мхитарян, Хакан Чалханоглу (Зелиньски, 69), Сучич (Барелла, 69), Луис Энрике (Ачерби, 85), Эспозито (Тюрам, 79), Мартинес (Бонни, 85)
Огоҳлантиришлар: Хакан Чалханоглу, 34. Карлос Аугусту, 90. Тюрам, 90
