Мадриднинг "Реал" клуби яримҳимоячиси Жуд Беллингем Килиан Мбаппенинг йўқлиги ҳақида фикр билдирди.
Франциялик ҳужумчи жароҳат туфайли сафдан чиқди. У "Атлетико" билан бўлажак дербида жамоага ёрдам бера олмайди.
"Энди мен, Винисиус, Родриго ва Гонсало Гарсия Мбаппенинг ўрнини тўлдириш учун ўзимни кўрсатишим керак. Килиан ўйинимизга катта таъсир кўрсатмоқда. Гап фақат урилган голлар ҳақида эмас, бошқа жиҳатлар ҳақида ҳам. Ишончим комилки, агар вазифани уддаласак, ҳар биримиз гол ура оламиз", - дея Беллингемнинг сўзларини келтиради Madrid Xtra.
"Реал"нинг "Атлетико"га қарши баҳси пайшанба куни Испания Суперкубоги ярим финали доирасида бўлиб ўтади. Ғолиб финалда "Барселона" билан ўйнайди.
