Madridning "Real" klubi yarimhimoyachisi Jud Bellingem Kilian Mbappening yo‘qligi haqida fikr bildirdi.

Fransiyalik hujumchi jarohat tufayli safdan chiqdi. U "Atletiko" bilan bo‘lajak derbida jamoaga yordam bera olmaydi.

"Endi men, Vinisius, Rodrigo va Gonsalo Garsiya Mbappening o‘rnini to‘ldirish uchun o‘zimni ko‘rsatishim kerak. Kilian o‘yinimizga katta ta’sir ko‘rsatmoqda. Gap faqat urilgan gollar haqida emas, boshqa jihatlar haqida ham. Ishonchim komilki, agar vazifani uddalasak, har birimiz gol ura olamiz", - deya Bellingemning so‘zlarini keltiradi Madrid Xtra.

"Real"ning "Atletiko"ga qarshi bahsi payshanba kuni Ispaniya Superkubogi yarim finali doirasida bo‘lib o‘tadi. G‘olib finalda "Barselona" bilan o‘ynaydi.