"Тоттенхэм" марказий ҳимоячиси Кристиан Ромеро жамоанинг навбатдаги муваффақиятсизлигидан сўнг мухлислардан узр сўради.
Чоршанба куни "шпорлар" Премьер-лиганинг 21-турида "Борнмут"га мағлуб бўлди (2:3). Томас Франк жамоаси турнир жадвалида 14-ўринга тушиб кетди.
"Бизни ҳамма жойда кузатиб борадиган, ҳар доим қўллаб-қувватлаган ва ҳар қандай ҳолатда ҳам қўллаб-қувватлашда давом этаётган мухлислардан узр сўрамоқчиман. Биз жавобгармиз ва мен биринчи жавобгарман. Ўзимизга нисбатан ҳалол бўлиб, вазиятни яхши томонга ўзгартиришга ҳаракат қилайлик. Қийин пайтларда хотиржамлик ва бирликни сақлаш муҳим. Бу футболнинг бир қисми", - деб ёзди Ромеро ижтимоий тармоқда.
10 январь куни "Тоттенхэм" Англия кубоги доирасида "Астон Вилла"га қарши баҳс олиб боради.
