"Tottenxem" markaziy himoyachisi Kristian Romero jamoaning navbatdagi muvaffaqiyatsizligidan so‘ng muxlislardan uzr so‘radi.

Chorshanba kuni "shporlar" Premyer-liganing 21-turida "Bornmut"ga mag‘lub bo‘ldi (2:3). Tomas Frank jamoasi turnir jadvalida 14-o‘ringa tushib ketdi.

"Bizni hamma joyda kuzatib boradigan, har doim qo‘llab-quvvatlagan va har qanday holatda ham qo‘llab-quvvatlashda davom etayotgan muxlislardan uzr so‘ramoqchiman. Biz javobgarmiz va men birinchi javobgarman. O‘zimizga nisbatan halol bo‘lib, vaziyatni yaxshi tomonga o‘zgartirishga harakat qilaylik. Qiyin paytlarda xotirjamlik va birlikni saqlash muhim. Bu futbolning bir qismi", - deb yozdi Romero ijtimoiy tarmoqda.

10 yanvar kuni "Tottenxem" Angliya kubogi doirasida "Aston Villa"ga qarshi bahs olib boradi.