"Манчестер Сити" бош мураббийи Пеп Гвардиола вингер Савионинг жароҳати жиддийлигини маълум қилди.
Бразилиялик футболчи 1 январь куни "Сандерленд"га қарши ўйинда жароҳат олган эди. Энди эса испаниялик мураббий футболчининг узоқ вақт сафда бўлмаслигини тан олди.
"Савио узоқ вақт давомида майдонда бўлмайди. Тахминан бир ярим ойдан икки ойгача бу чўзилиши мумкин.
У бу мавсумда қайтади", деди Гвардиола "Брайтон" билан 1:1 ҳисобидаги дурангдан сўнг.













