Англия Премьер-лигасининг 21-тури доирасида "Манчестер Сити" ўз майдонида "Брайтон"га имкониятни бой бериб қўйди. Учрашув 1:1 ҳисобида дуранг билан якунланди.
Айтиш керакки, 32 ёшли Фабиан Хюрцелер "Брайтон" бош мураббийи этиб тайинланганидан буён бирор марта Хосеп Гвардиола жамоасига ютқазмаган. Премьер-лига доирасидаги 4 та ўзаро ўйинда "Брайтон" икки марта "Манчестер Сити"ни мағлуб этган ва шунча дуранг қайд этган.
OptaJoe’нинг таъкидлашича, Хюрцелер Англия чемпионатида Гвардиолага қарши дастлабки тўртта учрашувда ютқазмаган тарихдаги илк мураббий ҳисобланади.
Айни вақтда "Манчестер Сити" АПЛ турнир жадвалида 21 ўйинда 43 очко жамғарган ҳолда 2-ўринда бормоқда. "Брайтон" 29 очко билан 11-поғонада бормоқда.
