Англия терма жамоаси ва "Кристал Пэлас" клуби марказий ҳимоячиси Марк Гехи ҳамон АПЛнинг амалдаги чемпиони "Ливерпуль" қизиқишлари доирасида бўлиб турибди. Бу ҳақда Daily Mirror журналистлари хабар бермоқда.

Манбага кўра, мерсисайдликлар футболчини 20 миллион фунтга сотиб олишни мўлжалламоқда. Эслатиб ўтамиз, Гехининг амалдаги меҳнат шартномаси муддати 2026 йил июнь ойи охирида тугайди. Transfermarkt портали футболчининг бозор нархини 55 миллион деб баҳоламоқда.

Англия чемпионатининг жорий мавсумида Гехи 20 та ўйинда иштирок этди. Ҳимоячи иккита гол урди, иккита голли узатмани амалга оширди ва тўртта сариқ карточка олди.