"Манчестер Сити" "Брентфорд"нинг ўнг қанот ҳимоячиси Микаэль Кайодени кузатиб бормоқда. "Шаҳарликлар" раҳбарияти 21 ёшли футболчининг ҳимоядаги совуққонлиги ва ҳужумга қўшила олиш маҳоратига қойил қолишди. Бу ҳақда Caught Offside хабар бермоқда.
Манбага кўра, италиялик футболчини инглиз клубидан ташқари "Бавария", "Ювентус" ва "Интер" ҳам кузатиб бормоқда. Агар қишки трансферлар вақтида расмий таклиф тушса, "Брентфорд" Кайоденинг трансфери учун 35-40 млн евро талаб қилади. Таъкидланишича, келаси ёзда ҳимоячининг нархи ошиши мумкин.
Жорий мавсумда Кайоде барча мусобақаларда 25 та ўйинда майдонга тушди. Футболчининг клуб билан меҳнат шартномаси 2030 йил ёзигача мўлжалланган. Transfermarkt порталида келтирилган маълумотларга кўра, футболчининг бозор нархи 20 млн еврони ташкил этади.
