"Арсенал" устози Микель Артета Премьер-лиганинг 21-туридан ўрин олган "Ливерпуль"га қарши ўйиндан сўнг жамоа марказий ҳужумчиси Виктор Дьёкерешнинг ўйини ҳақида фикр билдирди.
"Виктор баъзи вазиятларда яхши позицияда эди, аммо тўп унгача етиб бормади. Ўтган учрашувда жарима майдони ичидаги сўнгги пас бизга етишмади. Биз яхшиланишимиз керак. Танаффусдан кейинги ўйин биз бу мавсумда кўрсатган даражамиз эмас," - дея испаниялик мутахассиснинг сўзларини келтиради London.Football.
"Арсенал" очколарини 49тага етказиб, АПЛ турнир жадвалида яққол пешқадам бўлиб турибди. "Канонирлар" иккинчи ўриндаги "Манчестер Сити"ни 6 очкога ортда қолдирмоқда.
