"Манчестер Сити" ўзининг расмий сайтида "Борнмут" вингери Антуан Семеньо трансферини эълон қилди. Томонлар беш ярим йиллик шартнома имзолади.
ОАВ маълумотларига кўра, трансфер қиймати 75 млн еврони (65 млн фунт) ташкил қилган. Ганалик вингер "шаҳарликлар" сафига ўтиш учун АПЛнинг тўртта клубига ("Челси", "Тоттенхэм", "Ливерпуль" ва "Манчестер Юнайтед") рад жавобини берди. Трансферда футболчининг испаниялик мутахассис Хосеп Гвардиола қўл остида тўп тепиш истаги асосий роль ўйнади.
Англия Премьер-лигасининг жорий мавсумида 25 ёшли Антуан Семеньо 19 та ўйинда майдонга тушди ва 9 та гол ҳамда 3 та голли узатмага муаллифлик қилди.
