Миср терма жамоаси сардори Муҳаммад Салоҳ ўз жамоаси жорий Африка Кубогининг фаворитларидан бири экани ҳақидаги гап-сўзларга муносабат билдирди.
"Менимча, биз фаворит эмасмиз. Бизда ёш футболчилар бор, уларнинг аксарияти Мисрда ўйнайди. Биз шунчаки мамлакатимиз учун курашамиз, кейин эса қаерга етиб боришимиз мумкинлигини кўрамиз. Бу ерда бўлган ҳар бир киши бор кучини беришни истайди, холос.
Африкада энди осон ўйинлар йўқ, чунки жамоаларнинг даражаси тенг. Йигитларга 4 ёки 5 тўп фарқи билан ютқазган жамоаларни кўрмаганимизни айтдим ва бу кўп нарсани англатади."
