Дортмунднинг "Боруссия" клуби Бразилиянинг "Васко да Гама" клуби ҳужумчиси Райан Витор Симплисио Рошу учун курашга қўшилди. Бу ҳақда ESPN хабар бермоқда.
Манбага кўра, "қора-сариқлар" трансферга қизиқиш билдирган ва футболчи билан дастлабки алоқаларни ўрнатган, аммо улар Мюнхеннинг "Бавария" клуби билан рақобатга дуч келади. Шунингдек, "Кристал Пэлас", "Порту" ва "Лацио" ҳам бразилиялик футболчига қизиқиш билдираётган клублар қаторида тилга олинган.
Таъкидланишича, Райанда 80 миллион евролик товон пули банди бор, бироқ Бразилия томони 50 миллион евродан юқори таклифларни кўриб чиқишга тайёр.
2024 - 25-йилги мавсумда барча мусобақаларда 57 та ўйинда 20 та гол урган Райан ҳозирги клубини тарк этишга шошилмаяпти.
