Африка миллатлар кубоги чорак финал босқичи доирасида Камерун ва Марокаш терма жамоалари ўртасидаги учрашув якунланди. Беллашув Марокашнинг Работ шаҳридаги «Принц Мулла Абдулла» стадионида бўлиб ўтди. Ўйинда Марокаш футболчилари 2:0 ҳисобида ғалаба қозонди.

Учрашувдаги ҳисобни 26-дақиқада мадридлик «Реал» ярим ҳимоячиси Браҳим Диас очди. Иккинчи бўлимда, 74-дақиқада Исмоил Сайбарий марокашликлар устунлигини мустаҳкамлади.

Шу тариқа, Марокаш ярим финалда Жазоир — Нигерия жуфти ғолиби билан тўқнаш келади.

Маълумот учун, Африка миллатлар кубоги — 2025 мусобақаси Марокашда ўтказилмоқда. Турнирда олти гуруҳга бўлинган 24 та миллий терма жамоа иштирок этмоқда. Мусобақа 18 январга қадар давом этади. Амалдаги чемпион — Кот-д’Ивуар терма жамоаси бўлиб, у 2023 йилги финалда Нигерияни 2:1 ҳисобида мағлуб этган.

Африка миллатлар кубоги — 2025, 1/4 финал
9 январь 2026 йил, жума. Работ, «Принц Мулла Абдулла»
Камерун — Марокаш — 0:2
Голлар: 0:1 — Браҳим Диас (26), 0:2 — Исмоил Сайбарий (74)