"Лион"га ижара асосида ўтган "Реал Мадрид" ҳужумчиси Эндрик Хаби Алонсо ҳақида ўз фикрини билдирди.
"Лос Бланкос" мураббийи мавсумнинг биринчи ярмида 19 ёшли бразилиялик футболчини деярли ўйнатмади, бу эса клубнинг уни ижарага юборишига сабаб бўлди. "Мен Алонсо билан тез-тез гаплашганман. У кўплаб совринларни қўлга киритган, жумладан, Испания терма жамоаси билан жаҳон чемпиони.
Ундан кўп нарса ўрганишим мумкинлигини биламан.
Умид қиламанки, бир кун келиб мен ҳам Бразилия терма жамоаси билан жаҳон чемпиони бўламан", - дея Эндрикнинг сўзларини келтиради Madrid Xtra.













