Мадриднинг "Реал" клуби Испания Суперкубоги финалида "Барселона"га қарши баҳсга тайёргарлик кўрмоқда. Хабарингиз бор, ўйин арафасида "Атлетико" билан ярим финални ўтказиб юборган ҳужумчи Килиан Мбаппе жароҳатини даволади. Француз аллақачон турнир баҳслари бўлиб ўтаётган Саудия Арабистонига етиб келган.
Marca хабарига кўра, яқин соатларда жамоа бош мураббийи Хаби Алонсо юлдуз ҳужумчини бўлажак "класико"да асосий таркибда тушириш ёки туширмасликни ҳал қилади.
"Реал"нинг "Барселона" билан учрашуви 11 январь, якшанба куни бўлиб ўтади ва у Тошкент вақти билан 23:59 да бошланиши режалаштирилган.
Мбаппе "қаймоқранглилар"нинг аввалги икки ўйинида жароҳат туфайли майдонга тушмаган эди.
