Лондоннинг "Арсенал" клуби етакчи футболчиларнинг шартномасини узайтириш устида ишлашда давом этмоқда.
Яқинда клуб юлдуз вингер Букайо Сака билан янги битим борасида келишиб олганди. Gunnerblog хабарига кўра, "канонирлар" раҳбарияти ярим ҳимоячи Деклан Райс ва ҳужумчи Кай Хаверц ўртасидаги келишувни узайтиришни режалаштирмоқда. Тез орада ҳар икки футболчи билан музокаралар бошланиши мумкин.
"Арсенал" АПЛ 21-туридан кейин турнир жадвалида пешқадамлик қилмоқда ва энг яқин таъқибчилари - "Манчестер Сити" ва "Астон Вилла"ни 6 очкога ортда қолдирмоқда. 11 январь куни Микель Артета жамоаси Англия кубогининг 3-раундида сафарда "Портсмут"га қарши баҳс олиб боради.
