"Манчестер Юнайтед" ярим ҳимоячиси Тоби Коллайер ижара асосида Англиянинг бошқа клубига ўтиши мумкин.
22 ёшли футболчини Чемпионшип вакили "Халл Сити" ўз сафига қўшиб олмоқчи. Бу ҳақда журналист Бен Жейкобс хабар берди. "Йўлбарслар" англиялик футболчини жорий мавсум якунига қадар ижарага олиш бўйича "қизил иблислар" билан музокараларни бошлаб юборган.
Тоби Коллайер мавсумнинг биринчи ярмини Чемпионшипнинг бошқа клуби - "Вест Бромвич"да ўтказди. Хавбек Чемпионшипда 12 та ўйинда майдонга тушиб, битта голли узатма муаллифи бўлди.













