Мюнхеннинг "Бавария" клуби спорт директори лавозимида ишлаб келаётган футбол функционери Макс Эберль жамоа дарвозабони Мануэль Нойернинг келажаги ҳақида фикр билдирди. Дарвозабоннинг шартномаси шу йилнинг ёзида тугайди.
"Нойер клуб учун кўп иш қилди. У яқинда 40 ёшга тўлади ва Мануэль ҳамон юқори савияда ўйнамоқда. Биз музокаралар столига ўтириб, шартномани муҳокама қиламиз," - дея клуб вакилининг сўзларини келтиради Bayern&Germany.
Эслатиб ўтамиз, Нойер 2011 йилнинг ёзидан бери Мюнхен гранди шарафини ҳимоя қилиб келмоқда.













