"Фенербаҳче" Туркия Суперкубоги учун баҳсда "Галатасарой"ни мағлуб этди - 2:0.

Учрашувнинг 28-дақиқасида "Фенербаҳче" ярим ҳимоячиси Маттео Гендузи ҳисобни очди. 8 январь куни у "Лацио"дан Туркия клубига ўтган эди. 48-дақиқада Жейден Остерволд ҳисобни ишончли кўринишга олиб келди.

"Фенербаҳче" Доменико Тедеско қўл остида биринчи совринни қўлга киритди. Шунингдек, жамоа Суперкубокдаги ғалабалар сони бўйича "Бешиктош" ва "Трабзонспор"га етиб олди - 10 тадан соврин. "Галатасарой" 17 та ғалаба билан турнир рекордчиси бўлиб қолмоқда.

Туркия Суперкубоги. Финал
10 январь. 20:45. Отатурк стадиони (Истанбул)
Галатасарой - Фенербаҳче - 0:2
Голлар: 28' 0:1 - М. Гендузи (Л. Меркан), 48' 0:2 - Ж. Остерволд (М. Асенсио).