Италиялик ҳужумчи Марио Балотелли фаолиятини Яқин Шарқда давом эттиради. Журналист Жанлука Ди Марционинг маълумотига кўра, тажрибали форвард Дубайнинг «Ал-Иттифоқ» клубига ўтиш бўйича келишувга эришган.
35 ёшли футболчи 2025 йил июль ойида «Женоа»дан кетганидан сўнг жамоасиз қолган эди. Бир неча ойлик танаффусдан кейин Балотелли «Ал-Иттифоқ» билан икки ярим йиллик шартнома тузди. Айни пайтда ушбу жамоа Саудия Арабистони Биринчи лигаси — мамлакатнинг куч жиҳатдан иккинчи дивизиони турнир жадвалининг сўнгги поғонасида жойлашган.
Маълум қилинишича, трансфер расмий равишда 12 январь куни расмийлаштирилиши мумкин. Таъкидлаш жоизки, 2025 йил кузида клуб президенти лавозимини эгаллаган Пьетро Латерца учун Балотеллининг трансфери илк трансфер ҳисобланади.
Ўтган мавсумда ҳужумчи майдонга кам тушган: у олти ўйинда қатнашиб, жами 56 дақиқа ҳаракат қилди, натижали ҳаракатлар қайд этмади ва икки сариқ карточка олди.













