"Кристал Пэлас" бош мураббийи Оливер Гласнер Англия кубоги 3-раундида "Макслфилд"га қарши кечган ўйинда (1:2) жамоасининг мағлубиятига изоҳ берди. У рақибни ғалаба билан табриклаб, жамоасининг ўйини сифатсиз бўлганини таъкидлади.

"Маклсфилд"ни ҳақли ғалаба билан табриклайман. Бугун керакли даражада ўйнамадик ва футболчиларимиздан бирортаси рақибни яккама-якка юта олганини сезмадим. Стандарт вазиятлардан кейин гол ўтказиб юбордик, ҳавода курашда ютқаздик. Агар жамоа яққол голли вазиятлар ярата олмаса, бу маҳорат етишмаслигидан далолат беради, буни бугун ҳам кўрсатиб ўтдик. Биз ҳақиқатан ҳам бу мағлубиятга лойиқ эдик.

Ростини айтсам, бугун кўрганларимга ҳеч қандай изоҳим йўқ. Баҳона қидиришимиз мумкин, аммо бундай ўйинлар учун тактика ҳам, мураббий ҳам керак эмас. Шунинг учун ўз қобилиятингиз ва ғурурингизни кўрсатсангиз, бошқача ўйнашингиз мумкин", - дея Гласнернинг сўзларини келтиради ВВС.