Лондоннинг "Арсенал" клуби устози Микель Артета жамоа вингери Габриэль Мартинеллининг "Портсмут"га қарши кубок баҳсида кўрсатган ўйинига баҳо берди. Бразилиялик футболчи учрашувда 3 та гол урди.
"Мартинелли майдонда ҳамма нарсани кўрсатмоқда. Бу учрашувда у хет-трик қайд этди, кейинги машғулотда эса 100 фоиз кучи билан ҳаракат қилади. Футболда кўп нарса ишга бўлган муносабатингга боғлиқ," - дея изоҳ берди мутахассис матбуот анжуманида.
Эслатиб ўтамиз, "канонирлар" кубок баҳсида 4:1 ҳисобида зафар қучди.
Мартинелли 2025/2026 йилги мавсумда 24 та ўйин ўтказиб, 9 та гол ва 1 та голли узатмани ўз ҳисобига ёздириб қўйди.
