"Барселона" бош мураббийи Ханс-Дитер Флик марказий ҳимоячи Рональд Араухонинг майдонга қайтиши ҳақида фикр билдирди.
Уругвайлик футболчи Испания Суперкубоги финалида "Реал"га қарши ўйин охирида захирадан майдонга тушди - бу футболчининг ноябрь охиридан буён илк бор майдонга тушиши. Учрашув 3:2 ҳисобида "кўк-анорранглилар"нинг ғалабаси билан якунланди.
"Араухонинг қайтишини алоҳида таъкидламоқчиман. У ажойиб йигит. Рональд - бизнинг сардорларимиздан бири, у бизга керак. Унинг қайтганидан жуда хурсандмиз ва унга тўлиқ ишонамиз. У доим уни қўллаб-қувватлашимизни билади," - дея Фликнинг ўйиндан кейинги журналистлар билан суҳбатидан иқтибос келтиради SPORT.
