"Барселона" футболчиси Рафинья Диас жамоасининг Испания Суперкубогидаги ғалабасидан сўнг жамоадоши Рональд Араухони қўллаб-қувватлади.
Якшанба кунги финалда Ханс-Дитер Флик жамоаси Рафиньянинг дубли эвазига "Реал"ни мағлуб этди (3:2). "Эл-класико" якунида бразилиялик психологик муаммолар туфайли узоқ вақтни ўтказиб юборган Араухо ҳақида гапирди. Уругвайлик футболчи ўйин охирида захирадан майдонга тушди.
"Рональд жамоа учун жуда муҳим, биз уни доим қўллаб-қувватлаймиз. У оғир даврни бошдан кечирди. "Барселона" футболчиларига қўйиладиган талабларни ҳисобга олсак, бу жуда табиий туйғу. Биз унинг бу совринни кўтаришини хоҳладик. Бу бизнинг муҳаббатимиз ва қўллаб-қувватлашимиз белгисидир," - деди Рафинья матбуот анжуманида.
