Майкл Кэррик "Манчестер Юнайтед"нинг вақтинчалик мураббийлигига асосий даъвогар сифатида кўрилмоқда.
Журналист Бен Жейкобснинг маълум қилишича, "МЮ" раҳбарияти ўтган ҳафта бўлиб ўтган интервью якунларига кўра Кэррик номзодига мойиллик билдирмоқда. Бунгача манкунианликларнинг вақтинчалик мураббийи лавозимига Оле-Гуннар Сульшер фаворит сифатида кўрилаётганди.
Якуний қарор бугун қабул қилиниши кутилмоқда.
Рубен Аморим истеъфога чиқарилгач, "Манчестер Юнайтед" бош мураббийи вазифасини Даррен Флетчер бажармоқда. Унинг қўл остида жамоа АПЛда "Бёрнли" билан дуранг ўйнади (2:2) ва Англия кубогида "Брайтон"га мағлуб бўлди (1:2).
