Испаниялик мураббий Хаби Алонсо «Реал» клубини тарк этди. Испаниялик мураббий жамоани 2025 йил ёзидан бошлаб бошқариб келган эди.

«Реал» Хаби Алонсо раҳбарлиги остида барча мусобақаларда жами 34 та ўйин ўтказди. Ушбу ўйинларда мадридликлар 24 марта ғалаба қозонди, 4 бор дуранг қайд этди ва 6 марта мағлубиятга учради.

Алонсо даврида «Реал» сафида энг кўп майдонга тушган футболчи ярим ҳимоячи Арда Гюлер бўлди — 34 та ўйин. Ундан кейин ҳужумчи Винисиус Жуниор (33 та), шунингдек, дарвозабон Тибо Куртуа ва ярим ҳимоячи Орельен Тчуамени (иккаласи ҳам — 32 тадан ўйин) жой олган.

Хаби Алонсо даврида жамоанинг энг сермаҳсул тўпурари франциялик Килиан Мбаппе бўлди — 30 та гол. Иккинчи ўринда испаниялик Гонсало Гарсия (8 та гол), учинчи ўринда эса Винисиус (7 та) қайд этилди. «Реал»нинг энг яхши ассистентлари эса Арда Гюлер ва Винисиус бўлиб, улар ҳар бири 10 тадан голли узатма амалга оширган.