«Реал» Хаби Алонсо ишдан бўшатилганидан сўнг янги бош мураббий изламоқда.
Инсайдер Фабрицио Романо маълумотига кўра, мадридликлар «Ливерпул»нинг собиқ бош мураббийи Юрген Клоппни жуда юқори баҳолашади ва уни жамоанинг янги бош мураббийи сифатида кўришни исташмоқда.
Бироқ немис мутахассиси ҳозирча ўз фикрини ўзгартирмоқчи эмас. У аввалгидек ҳали мураббийлик фаолиятига қайтиш вариантини кўриб чиқмаяпти.
Юрген Клоппнинг охирги клуби «Ливерпуль» бўлиб, у ерда 2015 йилдан 2024 йилгача ишлаган. Немис мураббий раҳбарлигида «қизиллар» саккизта соврин қўлга киритган – икки марта Англия лигаси кубоги, Англия Премьер-лигаси, Англия кубоги, Англия Суперкубоги, УЕФА Суперкубоги, клублар ўртасида жаҳон чемпионати ва Чемпионлар лигаси.
