"Монако" марказий ҳимоячиси Эрик Дайер Лондоннинг "Вест Хэм" клубига таклиф қилинди. Бу ҳақда журналист Флориан Плеттенберг хабар бермоқда.
Манбага кўра, "болғачилар" "Бавария" ва "Тоттенхэм"нинг 31 ёшли собиқ футболчисини сотиб олиш вариантини кўриб чиқмоқда. Ҳозирча "Вест Хэм" бирор қарорга келгани йўқ, аммо клубдагилар Дайернинг эҳтимолий трансферини қизиқарли деб ҳисобламоқда.
Дайер 2025 йилнинг ёзида "Монако" футболчисига айланди. Монегасклар таркибида у барча турнирларни ҳисобга олган ҳолда тўққизта ўйинда майдонга тушди ва иккита гол урди.
