"ПСЖ" сенсацион тарзда 1/16 финалдаёқ Франция кубогини тарк этди. Луис Энрике жамоаси ўз майдонида "Париж"га минимал ҳисобда ютқазди - 0:1. Ўйиндан кейин "ПСЖ" устози ушбу мағлубиятга изоҳ берди. Испаниялик мутахассиснинг фикрича, натижа адолатсиз бўлган.
"Ўйлайманки, бу ўйинни таърифлаш осон. Қийин бўлди, лекин жуда яхши ўйнадик. Биз ўз ишимизни бажардик - тўпни назорат қилдик, устунлик қилдик. Футболда гол уриш керак: улар битта гол уришди, биз эса йўқ.
Жамоавий ўйиндан ҳам, индивидуал ҳаракатлардан ҳам мамнунман. Натижа адолатсиз, лекин уни қабул қилиш керак. "Париж"га энг яхши тилакларни тилайман, аммо майдонда кўрганларимдан мамнунман," - дея Энрикенинг сўзларини келтиради Le Parisien.
