"Манчестер Сити" ярим ҳимоячи Родрини таркибда сақлаб қолмоқчи.
TEAMtalk хабарига кўра, "шаҳарликлар" яқин ойларда испаниялик футболчи билан шартномани узайтириш бўйича музокараларни қайта бошламоқчи. Иккала томон ҳам битим тузиш учун очиқ. Янги битимнинг расмий имзоланиши шу йилнинг ёзида бўлиб ўтиши кутилмоқда.
Родри 2019 йилда "Атлетико"дан 70 миллион евро эвазига "Манчестер Сити"га ўтган эди. Унинг амалдаги шартномаси 2027 йилнинг 30 июнига қадар имзоланган. Жорий мавсумда ярим ҳимоячи "шаҳарликлар" сафида барча мусобақаларда 12 та ўйинда майдонга тушиб, битта гол урган. Transfermarkt портали испанияликни 75 миллион еврога баҳоламоқда.
