Харри Кейн дам олиш кунлари "Вольфсбург" дарвозасини ишғол қилди ва жорий Германия чемпионатида 20 та гол уришга эришди. Кейн 2023 йилнинг ёзида "Бавария"га кўчиб ўтди ва шундан бери Бундеслига ҳар мавсумида камида 20 та гол уриб келмоқда - Германиядаги олдинги мавсумларда Харри 36 ва 26 та гол урган.

Goal порталининг хабар беришича, бунгача фақат бир футболчи Бундеслигадаги дастлабки уч мавсумида 20 ва ундан ортиқ гол урган. Буни 60 йил олдин Тимо Конецка қилган.

Конецка Бундеслигада 1963/1964 йилги мавсумда 20 та, 1964/1965 йилги мавсумда 22 та ва 1965/1966 йилги мавсумда 26 та гол урган.

Тимо Конецка 2012 йил 12 мартда вафот этди.