"Реал" дарвозабони Тибо Куртуа жамоасининг "Барселона"га қарши ўйиндаги мағлубиятига изоҳ берди. Жамоалар Испания Суперкубоги финалида тўқнаш келишди. Каталонияликлар мадридликларни 3:2 ҳисобида мағлуб этди.
"Принципиал рақибга финалда ютқазиш ҳар доим ёқимсиз. Ҳозир бор эътиборимизни ишга қаратиб, Кубок ва Ла Лига ҳақида ўйлашимиз муҳим. Бу ўйинда кўп нарса бизнинг фойдамизга ҳал бўлмади - бундай давр бир неча ойдан бери давом этмоқда.
Биринчи бўлимда жуда паст чизиқда ҳимояландик, танаффусдан кейин эса рақиб бироз ортга чекинди. Бизда яхши вазиятлар бўлди, аммо тўп дарвозага кирмади," - деди Куртуа.
