"Барселона" спорт директори Деку Хаби Алонсонинг "Реал"дан кетиши ҳақида фикр билдирди. Мадрид жамоаси бош мураббийининг шартномаси томонлар келишувига кўра бекор қилинди.
"Биз ўз ишимиз билан бандмиз. Бошқа клубларда нима бўлаётгани ҳақида ўйлаб кўрмаймиз, аммо "Барселона" ва "Реал"да босим туфайли доим қийин бўлади ва натижа бўлмаганда, биринчи навбатда мураббийлар азият чекади. Бу бироз ажабланарли, чунки у кўп вақт ишламаган.
Улар Суперкубокни бой беришди, Ла Лигада 4 очко ортда қолишмоқда ва Чемпионлар Лигасида яхши ўйин кўрсатишмоқда.
Бу бизнинг ишимиз эмас. Агар Флик ҳақида сўрасангиз, менинг ҳис-туйғуларим рақамлардан кўра кўпроқ гапиради. Хансини тайинлар эканмиз, яхши замонлар қайтиб келишини билардик", - деди Деку RAC1’га берган интервьюсида.
