Матбуотда "Манчестер Юнайтед"нинг собиқ ярим ҳимоячиси Фредга Петербургнинг "Зенит" клуби қизиқиш билдираётгани ҳақида маълумотлар пайдо бўлди. Футбол агенти Паулу Барбоза эҳтимолий трансфер ҳақида фикр билдирди.
"Фред ҳақида гапирадиган бўлсак, у 32 ёшда ва бу унчалик қизиқарли вариант эмас. Унинг позициясида питерликларда кучлироқ ўйинчилар бор," - дея португалиялик агентнинг сўзларини келтиради Metaratings.ru.
Айни дамда Фред Истанбулнинг "Фенербахче" клуби футболчиси ҳисобланади. Бразилиялик футболчининг турклар билан меҳнат шартномаси 2027 йилнинг ярмигача мўлжалланган ва унинг бозор нархи етти миллион еврони ташкил этади.
