"Реал" январь ойидаёқ бош мураббийни алмаштиришга қарор қилди - Хаби Алонсонинг жамоа бошқарувидаги ўрнини Алваро Арбелоа эгаллади. 42 ёшли мутахассис аллақачон жамоа билан ишлашни бошлаган. Испаниянинг Marca нашри Арбелоа "қаймоқранглилар" билан машғулот ўтказаётгани акс этган видеони эълон қилди.
Эслатиб ўтамиз, "Реал" Испания Суперкубоги финалидаги ёмон натижадан сўнг мураббийини ўзгартирди. "Қаймоқранглилар" "Барселона"га 2:3 ҳисобида ютқазди.
"Реал" навбатдаги ўйинни 14 январь, чоршанба куни ўтказади. Алваро Арбелоа жамоаси Испания Кубоги 1/8 финалида сафарда "Альбасете"га қарши баҳс олиб боради.
Қўшимча қиламизки, Ла Лига турнир жадвалида "Реал" иккинчи ўринда бормоқда.
