«Локомотив» ПФК таркибини кучайтириш йўлида дарвозабон Алексей Козлов билан шартнома имзолади.
Ўтган мавсумда Қирғиз Республикасининг «Нефтчи» клуби таркибида ҳаракат қилиб, 25 ўйинда 1 гол урган ва 4 та баҳсда ўз дарвозаси дахлсизлигини сақлаб қолган россиялик дарвозабон янги мавсумда "темирйўлчилар" шарафини ҳимоя қилади.
Шу орқали 2010 йилги мавсумдан кейин илк марта «Локомотив» таркибида легионер кипер бўлади. Сўнгги марта хорижлик посбон сифатида Александр Филимонов 2010 йил 31 октябрда «Локомотив» дарвозасини қўриқлаганди.













