"Интер" Хакан Чалхонўғлини жароҳат сабаб йўқотди. Милан клуби матбуот хизмати 31 ёшли туркиялик футболчида мушак жароҳати борлиги аниқланганини маълум қилди. "Нерадзуррилар" Чалхонўғлининг тикланиш муддати ҳақида ҳеч нарса маълум қилмади.
Италиянинг Sky нашри эса Чалханўғлининг тикланиши учун тахминан 20 кун керак бўлишини маълум қилди.
Агар муддатлар тўғри бўлса, Хакан Чалхонўғли февраль ойи бошида "Интер" машғулотларига қайтади.
"Интер" ўтган 19 ўйинда 43 очко тўплаган ҳолда А Серияда пешқадамлик қилмоқда. Чемпионатнинг навбатдаги ўйинини Кристиан Киву жамоаси 14 январь, чоршанба куни ўз майдонида "Лечче"га қарши ўтказади.
