Мадриднинг "Реал" клуби бош мураббийлигидан кетган Хаби Алонсо клуб раҳбариятининг ўтган ёзда "Арсенал" ярим ҳимоячиси Мартин Субименди билан шартнома имзолашдан бош тортганидан ранжиган эди. Алонсо раҳбариятга жамоага Субименди жуда кераклигини айтди, аммо клуб ярим ҳимоячилар етарли эканини айтди. Бу ҳақда ESPN хабар бермоқда.
Алонсо ўтган ёздан бери "Реал" бош мураббийи лавозимида ишлаб келаётган эди. 12 январь, душанба куни "Қироллик клуби" испаниялик мутахассис билан ҳамкорликни тўхтатганини эълон қилди. Алонсо кетганидан сўнг "Реал" Альваро Арбелоани бўш қолган лавозимга тайинлаганини эълон қилди. Бунгача Арбелоа "қаймоқранглилар"нинг захира жамоаси саналган "Реал Кастилья" клуби мураббийи сифатида ишлаб келаётган эди.













