Madridning "Real" klubi bosh murabbiyligidan ketgan Xabi Alonso klub rahbariyatining o‘tgan yozda "Arsenal" yarim himoyachisi Martin Subimendi bilan shartnoma imzolashdan bosh tortganidan ranjigan edi. Alonso rahbariyatga jamoaga Subimendi juda kerakligini aytdi, ammo klub yarim himoyachilar yetarli ekanini aytdi. Bu haqda ESPN xabar bermoqda.
Alonso o‘tgan yozdan beri "Real" bosh murabbiyi lavozimida ishlab kelayotgan edi. 12 yanvar, dushanba kuni "Qirollik klubi" ispaniyalik mutaxassis bilan hamkorlikni to‘xtatganini e’lon qildi. Alonso ketganidan so‘ng "Real" Alvaro Arbeloani bo‘sh qolgan lavozimga tayinlaganini e’lon qildi. Bungacha Arbeloa "qaymoqranglilar"ning zaxira jamoasi sanalgan "Real Kastilya" klubi murabbiyi sifatida ishlab kelayotgan edi.













