Майкл Кэррик мавсум якунига қадар "Манчестер Юнайтед" бош мураббийи вазифасини бажарувчи сифатида иш бошлади.

Инглиз ой бошида ишдан бўшатилган Рубен Аморим ўрнини эгаллади. The Athletic хабарига кўра, клуб янги мураббий ва унинг штаби олдига жамоани Чемпионлар лигасига олиб чиқиш бўйича аниқ вазифа қўйган. Бу "қизил иблислар"нинг жорий мавсумдаги асосий мақсади.

Майкл Кэррикнинг шартномаси ёзгача мўлжалланган. Айни пайтда "Манчестер Юнайтед" Англия премьер-лигаси турнир жадвалида еттинчи ўринда бормоқда, аммо тўртинчи ўриндаги "Ливерпуль" билан орадаги фарқ катта эмас - атиги уч очко.