«Реал»нинг собиқ бош мураббийи Хаби Алонсо ўзининг ишдан бўшатилишини асоссиз ва хато қарор, деб ҳисоблаётганини The Athletic нашри маълум қилди.
Испания Суперкубоги финалида «Барселона»дан 2:3 ҳисобида мағлубиятга учралганидан сўнг, Алонсо клубнинг машғулот базасига таклиф этилган. У ерда мутахассис «Реал»нинг бош ижрочи директори Хосе Анхел Санчес билан учрашув ўтказган ва айнан шу учрашувда унга ҳамкорлик тўхтатилиши ҳақида маълум қилинган.
Бунга жавобан Хаби Алонсо ушбу қарорга қатъиян норози эканини билдириб, уни адолатсиз ва нотўғри деб атаган. Мутахассис ўз кетиш сабабларини клуб ичида мавжуд бўлган «галактикос бошқарув маданияти» муҳити билан боғлаган.
Хаби Алонсо мадридликларни 2025 йил 1 июнь куни бошқариб келаётган эди. У ишдан бўшатилган пайтда «Реал» Ла Лига турнир жадвалида иккинчи ўринни эгаллаб турган, Чемпионлар лигасида эса еттинчи поғонада жойлашган эди.













