"Милан"га тегишли франциялик 27 ёшли ярим ҳимоячи Юсуф Фофана фаолиятини Туркия Суперлигасида давом эттириш вариантига эга. Бу ҳақда инсайдер Жанлука ди Марцио хабар бермоқда.
Манбага кўра, тажрибали футболчини Истанбулнинг "Галатасарой" клуби ўз сафига қўшиб олмоқчи. Фофананинг бозор нархи 28 миллион еврога баҳоланмоқда. Футболчининг "россонерилар" билан амалдаги меҳнат шартномаси 2028 йилнинг ёзида ўз ниҳоясига етади.
Жорий мавсумнинг биринчи ярмида ярим ҳимоячи миланликларнинг 20 та ўйинида иштирок этди. Юссуф битта гол ва учта ассистни ўз ҳисобига ёздириб қўйди.
