Марокаш терма жамоаси бош мураббийи Валид Реграги Африка кубоги ярим финалида Нигерияга қарши кечадиган учрашув олдидан матбуот анжуманида иштирок этди.
Учрашув 14 январь куни бўлиб ўтади.
"Марокаш терма жамоасига мураббийлик қилаётганингда ҳар бир натижанг синчковлик билан текширилади. Воқелик шундай. Хатолар бўлиши мумкин, бу мураббий йўлининг бир қисми. Менинг эътиборим фақат жамоамизга қаратилган, чунки бу энг муҳими. Мен ўз мамлакатим учун курашаман ва бу билан боғлиқ танқидларни қабул қиламан," - дея мураббийнинг сўзларини келтиради CAF Online.
"Африка Кубоги ярим финали жаҳон чемпионати ярим финалидан фарқ қилади. Авваллари бизни сюрприз жамоа деб ҳисоблашарди. Энди кутилмалар бошқача, мақсадимиз финалга чиқиш ва қитъа кубогини кўтариш," - дея қўшимча қилди Реграги.
