Ярим ҳимоячи Конор Галлахер Англия Премьер-лигасига қайтди. "Тоттенхэм" "Атлетико"дан 25 ёшли футболчи трансферини эълон қилди. Галлахер узоқ муддатли шартнома имзолади - аниқ муддат ошкор этилмаяпти.
Аввалроқ матбуотда "Тоттенхэм" Конор Галлахернинг трансфери учун "Атлетико"га 40 миллион евро атрофида пул тўлаши ҳақида хабарлар тарқалган эди.
Галлахер "Челси" тарбияланувчиси ҳисобланади. Шунингдек, ярим ҳимоячи инглиз футболида "Чарльтон", "Суонси", "Вест Бромвич" ва "Кристал Пэлас" клубларида ижара асосида ўйнаган.
"Тоттенхэм" айни дамда Премьер-лига турнир жадвалида 14-ўринни эгаллаб турибди. "Шпорлар" навбатдаги ўйинни 17 январь куни "Вест Хэм"га қарши ўтказади.
