Хавбек Конор Галлахер Англия Премьер-лигасига қайтди. Чоршанба куни "Атлетико"нинг 25 ёшли футболчиси трансферини "Тоттенхэм" эълон қилди. Галлахернинг ўзи клубини ўзгариши бўйича изоҳ берди.
"Мен бу ерга келиб, шундай ажойиб клубда фаолиятимдаги кейинги қадамни қўяётганимдан жуда хурсандман ва ҳаяжондаман. Мен "Тоттенхэм" футболчиси бўлишни истардим, клуб ҳам худди шундай ҳиссиётда эди. Ҳаммаси осон кечди - битим тез амалга ошди ва мен майдонга тушишга тайёрман.
Бу ерда ажойиб мухлислар борлигини биламан. Бу клубнинг аъзоси бўлганимдан хурсандман. Алоҳида лаҳзалар ва хотиралар яратишда ёрдам бермоқчиман," - дея Галлахернинг сўзларини келтиради "шпорлар" сайти.
"Тоттенхэм" АПЛ жадвалида 14-ўринда бормоқда.
