Лондоннинг "Арсенал" клуби қанот ҳимоячиси Бен Уайт жамоани тарк этиши мумкин. Бу ҳақда журналист Бен Жейкобс хабар бермоқда.
Манбага кўра, 28 ёшли футболчи кейинги икки мавсумдаги ўйин амалиётидан хавотирда, шу боис янги чақирув изламоқда. У жуда яхши формада бўлса ҳам, "Арсенал"ни тарк этишга тайёрлиги айтилмоқда. 2021 йилда "канонирлар" Уайтни "Брайтон"дан қарийб 60 миллион еврога сотиб олганди.
Жорий мавсумда у барча мусобақаларни ҳисобга олган ҳолда 13 та учрашувда майдонга тушди ва битта самарали узатмани амалга оширди.
Ҳимоячининг "Арсенал" билан амалдаги шартномаси 2028 йилнинг ярмигача мўлжалланган.













