Испания кубоги доирасида "Альбасете"га қарши кечган ва сенсацион мағлубият билан якунланган ўйин Винисиус Жуниор учун "Реал" сафидаги 350-ўйин бўлди.

25 ёшли футболчи "қаймоқранглилар" сафида асосий таркибда майдонга тушди ва ўйин охирига қадар ҳаракат қилди. Винисиус "Реал" сафида барча мусобақаларда 350 та ўйинда 112 та гол ва 91 та голли узатмани амалга оширган. Бразилияликлар орасида фақат Марсело (546) ва Роберто Карлос (527) "қироллик клуби" либосида бундан ҳам кўпроқ ўйин ўтказган.

Винисиус Жуниор "Реал"га 2018 йилда "Фламенго"дан кўчиб ўтган эди. Жорий мавсумда форвард 28 та учрашувда 6 та гол ва 8 та ассистни ўз ҳисобига ёздириб қўйди.